طريقة غريبة ومؤكدة تحث الببغاء على الكلام والتصفير

من طرف Joker الثلاثاء أبريل 27, 2010 8:41 am

السلام عليكم ورحمة الله وبركاته

أخواني الكرام,,, اليوم جبت لكم طريقة غريبة وجديدة لحث الطائر على الكلام والتغريد.

وأنا واثق ان كثير مننا جربها بدون ما يشعر, وهي جديدة من ناحية الطرح, لكن الاستخدام, أتوقع كلنا مرينا فيها لكن ما انتبهنا لها.

هذي الطريقة لأي نوع من الطيور المغردة أو المتكلمة, سواء كناري أو ببغاء, أو حتى خروف

أمزح الخروف ماله شغل.

واذا ببغائك حافظ كلمات معينه اعمل له هذي الطريقة عشان تسمعه يقولها.

أولا بحكي لكم موقف قديم جداً,,, وأكيد الموقف هذا مر على كثير منكم

كنت يوم من الأيام عند حلاق, والحلاق هذا عنده طيور كناري في المحل.

ولاحظت انه كل ما شغل مكينه الحلاقة, تسمع تغريد الكناري وتصفيره.

وتلاحظ نشاط كبير في الطير وقتها.

المهم ان الفكرة شغلت بالي فترة طويلة, وقبل شهر قلت أجربها على الببغاء.

ولاحظت انه كل ما شغلت المدام المكنسة الكهربائية تلاقي الببغاوات اللي عندي ينشطون بشكل كبير.

وما تسمع غير التصفير والكلام, والحركات, خصوصاً الأمازوني (ميزو) تحس انه بيقول موال.

وفي أوقات ثانية تلاقيهم ينشطون ويتوجهون للأكل, وتحسهم مبسوطين.

طبقت الحركة هذي بماكينة الحلاقة عندي في البيت وبالمكنسة الكهربائية وبالخلاط حق الحبوب والبن وبخلاط العصير.

يعني أي شي فيه حنّه تلاقي تجاوب من الطيور عجيب.

المهم في الموضوع اننا ما نطول, يعني ربع ساعة كافيه في المرة الواحدة.

كنت بصور فيديو للببغاوات بس قلت أترك التجربة للأعضاء أفضل.

مع العلم اني جربت الطريقة هذي لمدة شهر تقريباً قبل ما أنزل الموضوع, حتى أكون متأكد من النتائج.

ويا ليت كل واحد فيكم يجرب الطريقة يرد على الموضوع هذا ويكتب تجربته.

تحياتي